ശേഷിക്കനുസരിച്ച് പ്രവർത്തിക്കും..ജനങ്ങളുടെ പ്രശ്നങ്ങൾ മുന്നിലെത്തിക്കാനാകുമെന്നാണ് പ്രതീക്ഷിക്കുന്നത്…. കെ രാധാകൃഷ്ണൻ
കനലൊരു തരി’ പ്രയോഗത്തിൽ പ്രതികരണവുമായി നിയുക്ത എംപി കെ രാധാകൃഷ്ണൻ. പാർലമെന്റിൽ പ്രവർത്തിക്കാൻ ഓരോരുത്തർക്കും ഒരോ ശേഷിയുണ്ടെന്നും അതിനനുസരിച്ച് മാത്രമല്ലേ പ്രവർത്തിക്കാൻ പറ്റൂവെന്നും കെ രാധാകൃഷ്ണൻ പറഞ്ഞു. നിയമസഭയിലും മറ്റും പ്രവർത്തിച്ച അനുഭവം ഉണ്ടെങ്കിലും ഞാനൊരു പുതിയ പാർലമെന്റ് അംഗമാണ്. ജനങ്ങളുടെ പ്രശ്നങ്ങൾ മുന്നിലെത്തിക്കാനാകുമെന്നാണ് ഞാൻ പ്രതീക്ഷിക്കുന്നത്. പ്രതിപക്ഷം തന്നെ വലിയ കരുത്തോട് കൂടിയാണ് സഭയിൽ ഇടപെടാൻ പോകുന്നത്. കേരളത്തിൻ്റെ താത്പര്യം സംരക്ഷിക്കാനുള്ള എല്ലാ ഇടപെടലും നടത്തുമെന്ന് കെ രാധാകൃഷ്ണൻ പറഞ്ഞു.
