വെള്ളം നിറച്ച ബക്കറ്റിൽ തൊട്ടു – ദളിത് വിദ്യാർത്ഥിക്ക് ക്രൂരമർദനം

കുടിക്കാനായി ബക്കറ്റിലെ വെള്ളം എടുക്കാന്‍ ശ്രമിച്ച ദലിത് വിദ്യാര്‍ഥിക്ക് ക്രൂര മർദ്ദനം .എട്ട് വയസ്സുള്ള ദളിത് വിദ്യാർത്ഥിക്കാണ് മർദ്ദനമേറ്റത് .പൊതുടാപ്പിൽ നിന്ന് വെള്ളം കുടിക്കുന്നതിനിടെ സമീപത്ത് വെള്ളം നിറച്ചുവച്ച ബക്കറ്റിൽ കുട്ടി തൊടുകയായിരുന്നു .ഇതിന് പിന്നാലെയാണ് കുട്ടിക്ക് മർദ്ദനമേറ്റത് .രാജസ്ഥാനിലെ ആൽവാറിലാണ് സംഭവം .കുട്ടിയുടെ കുടുംബം പൊലീസില്‍ പരാതി നല്‍കിയതിനു പിന്നാലെ പൊലീസ് കേസെടുത്ത് അന്വേഷണം ആരംഭിച്ചു.

നാലാം ക്ലാസ് വിദ്യാര്‍ഥിയായ ചിരാഗ് പൊതുടാപ്പിൽ നിന്ന് വെള്ളം കുടിക്കുന്നതിനിടെ സമീപത്ത് വെള്ളം നിറച്ചുവച്ച ബക്കറ്റിൽ പിടിച്ചു .ഇതിൽ പ്രകോപിതനായ രതിറാം ഠാക്കൂര്‍ എന്നയാളാണ് കുഞ്ഞിനെ ക്രൂരമായി മര്‍ദിച്ചത്. ഠാക്കൂർ വെള്ളം നിറയ്ക്കുന്നതിനിടെ ഇത് മാറ്റി വച്ച് ചിരാഗ് വെള്ളം കുടിക്കുകയായിരുന്നു. മർദനമേറ്റ വിവരം കുട്ടി വീട്ടിൽ അറിയിച്ചു.തുടർന്ന് രക്ഷിതാക്കൾ പോലീസിൽ പരാതിനൽകുകയായിരുന്നു .