വീണ്ടും എയർപോർട്ടിന്റെ മേൽക്കൂര തകർന്നു വീണു..മൂന്ന് ദിവസത്തിനിടെ മൂന്നാമത്തെ സംഭവം….

കനത്ത മഴയെത്തുടർന്ന് വീണ്ടും എയർപോർട്ടിന്റെ മേൽക്കൂര തകർന്നു വീണു.ഗുജറാത്തിലെ രാജ്കോട്ട് എയർപോർട്ടിന്റെ മേൽക്കൂരയാണ് തകർന്നു വീണത്.എയർപോർട്ട് ടെർമിനലിന് പുറത്ത് യാത്രക്കാരെ ഇറക്കുന്ന ഭാഗത്തെ മേൽക്കൂരയാണ് തകർന്നത്. ആർക്കും പരിക്കില്ലെന്നാണ് റിപ്പോർട്ട്. 2023ൽ മോദിയാണ് ഇതിന്റെ ഉദ്ഘാടനം നിർവഹിച്ചത്.

കഴിഞ്ഞദിവസം ഡൽഹി എയർപോർട്ടിലെ മേൽക്കൂര കനത്ത മഴയിൽ തകർന്നിരുന്നു. സംഭവത്തിൽ ഒരാൾ മരിക്കുകയും പത്തോളം പേർക്ക് പരിക്കേൽക്കുകയും ചെയ്തിരുന്നു. ഇത് കൂടാതെ മധ്യപ്രദേശിലും കോടികൾ മുടക്കി നിർമിച്ച ടെർമിനലിന്റെ മേൽക്കൂര തകർന്നുവീണിട്ടുണ്ട്. ഇതിന് പിന്നാലെയാണ് ഇപ്പോൾ ഗുജറാത്തിലും മേൽക്കൂര തകർന്നു വീണത്.