വിവാഹ തട്ടിപ്പ് നടത്തി സ്വർണവും പണവുമായി മുങ്ങിയ പ്രതി പിടിയിൽ. അറസ്റ്റിലായത് ഹരിപ്പാട് സ്വദേശി…
അമ്പലപ്പുഴയിൽ വിവാഹ തട്ടിപ്പ് നടത്തി സ്വർണ്ണവും പണവുമായി മുങ്ങിയ പ്രതി പിടിയിൽ.
ഹരിപ്പാട് പിലാപ്പുഴയിൽ അനീഷ് ഭവനത്തിൽ അനീഷാ (39) ണ് വിവാഹ തട്ടിപ്പ് നടത്തി സ്വർണ്ണവും പണവുമായി മുങ്ങിയ കേസിൽ അറസ്റ്റിലായത്. 2023 ജൂണിൽ ആണ് സംഭവം നടന്നത്. അനീഷ് വിവാഹിതനാണെന്ന കാര്യം മറച്ച് വെച്ച് മാട്രിമോണിയൽ ആപ്പ് വഴി പരിചയപ്പെട്ട് അമ്പലപ്പുഴ സ്വദേശിനിയുമായി പരിചയം സ്ഥാപിച്ച് ജൂൺ മാസത്തിൽ അമ്പലപ്പുഴ നവരാക്കൽ അമ്പലത്തിൽ വെച്ച് വിവാഹം കഴിച്ചു. ഭാര്യാ ഭർത്താക്കന്മാരായി കഴിഞ്ഞുവരവെ അമ്പലപ്പുഴ സ്വദേശിനിയുടെ കൈയ്യിൽ നിന്നും പല പ്രാവശ്യമായി 204000- രൂപ തട്ടിയെടുക്കുകയും കൂടുതൽ പണം ആവശ്യപ്പെട്ട് യുവതിയെ ഉപദ്രവിച്ച് കടന്നു കളയുകയും ആയിരുന്നു. തുടർന്ന് അമ്പലപ്പുഴ സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതിനെ തുടർന്ന് മുങ്ങിയ അനീഷിനെ പുന്നപ്ര പൊലീസ് സ്റ്റേഷൻ പരിധിയിൽ നിന്നും പുന്നപ്ര പൊ ലീസിൻ്റെ സഹായത്തോടെ പിടികൂടി അമ്പലപ്പുഴ പോലീസ് സ്റ്റേഷൻ ഇൻസ്പെക്ടർ എം. പ്രതീഷ്കുമാർ ൻ്റെ നേതൃത്വത്തിൽ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു
