വലിയഴീക്കൽ പാലത്തിൽ നിന്ന് കായലിൽ ചാടിയ വിദ്യാർഥിനിയെ രക്ഷപെടുത്തി
കായംകുളം: വലിയഴീക്കൽ പാലത്തിൽ നിന്ന് കായലിൽ ചാടിയ വിദ്യാർഥിനിയെ രക്ഷപെടുത്തി. ലൈഫ് ഗാർഡും, മത്സ്യത്തൊഴിലാളികളും ചേർന്നാണ് വിദ്യാർഥിനിയെ രക്ഷപെടുത്തിയത്. വള്ളികുന്നം സ്വദേശിനിയാണ് പെൺകുട്ടി .ഓച്ചിറയിലെ സ്വകാര്യ നഴ്സിങ് സ്കൂളിലെ അവസാന വർഷ ജനറൽ നഴ്സിങ് വിദ്യാർഥിനിയാണ്. സ്കൂളിലെ അധ്യാപകരുടെ മാനസിക പീഡനത്തെ കുറിച്ചുള്ള ആത്മഹത്യാ കുറിപ്പ് പോലീസിന് ലഭിച്ചു. പെൺകുട്ടി ഓച്ചിറയിലെ സ്വകാര്യ ആശുപത്രിയിൽ ചികിത്സയിലാണ്.
