വന്ദേ ഭാരതിന് കൊണ്ടത് മാങ്ങാക്കെറിഞ്ഞ കല്ല്..വിശദീകരിച്ച് പോലീസ്…

കൊല്ലത്ത് കഴിഞ്ഞ ദിവസം വന്ദേ ഭാരതിനു നേരെ ഉണ്ടായ കല്ലേറ് കുട്ടികള്‍ക്ക് പറ്റിയ അബദ്ധമെന്ന് പൊലീസ്. റെയിൽവേ സ്റ്റേഷന് സമീപം ഉള്ള മാവിലെ മാങ്ങയ്ക്ക് കുട്ടികൾ എറിഞ്ഞ കല്ലാണ് വന്ദേ ഭാരതിന്റെ ചില്ലു തകർത്തത് എന്ന് പോലീസ് വ്യക്തമാക്കി . ആർപിഎഫും, റെയിൽവേ പൊലീസും നടത്തിയ അന്വേഷണത്തിലാണ് ഇത് കണ്ടെത്തിയത്.

ഇരവിപുരം കാവൽപുരക്ക് സമീപത്ത് വെച്ചായിരുന്നു തിരുവനന്തപുരത്തു നിന്നു കാസർകോട്ടേക്കു പോയ വന്ദേഭാരത് ട്രെയിനിന്റെ ചില്ലുകൾ കല്ലേറിൽ തകർന്നത് .കല്ലെറിഞ്ഞ കുട്ടികളെല്ലാം 10 വയസ്സിന് താഴെയുള്ളവരായതിനാലും അബദ്ധത്തിൽ ട്രെയിനില്‍ കല്ല് കൊണ്ടതാണെന്നു മനസ്സിലായതിനാലും മറ്റു നടപടികൾ എടുത്തിട്ടില്ലെന്ന് അന്വേഷണ ഉദ്യോഗസ്ഥർ പറഞ്ഞു.