ലോറി കയറിയിറങ്ങി 4 വിദ്യാർഥികൾക്ക് ദാരുണാന്ത്യം

ബസിൽ നിന്നു വീണ വിദ്യാർഥികളുടെ ശരീരത്തിലൂടെ ലോറി കയറിയിറങ്ങി. അപകടത്തിൽ നാല് വിദ്യാർഥികൾ മരിച്ചു. മോനിഷ്, കമലേഷ്, ധനുഷ് എന്നിവർ അപകടസ്ഥലത്ത് വെച്ചും രഞ്ജിത്ത് എന്ന വിദ്യാർഥി ആശുപത്രിയിൽ വെച്ചുമാണ് മരിച്ചത്. അപകടത്തിൽ അഞ്ച് പേർക്ക് പരുക്കേറ്റു. ഇന്ന് രാവിലെ ചെന്നൈ– തിരുച്ചിറപ്പള്ളി ദേശീയപാതയിലാണ് അപകടം ഉണ്ടായത്. വിദ്യാർഥികൾ ബസിന്റെ ഫുട്ബോർഡിൽ നിന്നു യാത്ര ചെയ്യുന്നതിനിടെയാണ് അപകടം. ഒരു ലോറിയെ ബസ് ഓവർടേക്ക് ചെയ്യുന്നതിനിടെ ചെറുതായി തട്ടുകയും വെട്ടിച്ചുമാറ്റിയപ്പോൾ ഫുട്ബോർഡിൽ നിന്നവർ പുറത്തേക്ക് തെറിച്ചു വീഴുകയുമായിരുന്നെന്നാണ് വിവരം.