ലൂസിഫറിനെ മറികടന്ന് ആടുജീവിതം….
പൃഥ്വിരാജ് നായകനായ ആടുജീവിതം വമ്പൻ കളക്ഷനാണ് നേടിക്കൊണ്ടിരിക്കുന്നത്. ആടുജീവിതം മലയാളത്തിന്റെ എക്കാലത്തെയും ഹിറ്റ് ചിത്രമാകാൻ കുതിക്കുകയാണ് എന്നാണ് റിപ്പോര്‍ട്ട്. മോഹൻലാല്‍ നായകനായ ലൂസിഫറിന്റെ ലൈഫ്‍ടൈം കളക്ഷൻ ആടുജീവിതം മറികടന്നിരിക്കുകയാണ്. കളക്ഷനില്‍ ഒന്നാമതായ മഞ്ഞുമ്മല്‍ ബോയ്‍സ് സിനിമയെ ആടുജീവിതം മറികടക്കുമോയെന്നതാണ് ഇനിയത്തെ ആകാംക്ഷ.ആഗോള ബോക്സ് ഓഫീസില്‍ 130 കോടിയില്‍ അധികം നേടിയിട്ടുണ്ട് പൃഥ്വിരാജിന്റെ ആടുജീവിതമെന്നാണ് കളക്ഷൻ റിപ്പോര്‍ട്ടില്‍ നിന്ന് മനസിലാകുന്നത്. ലൂസിഫര്‍ ആഗോളതലത്തില്‍ ആകെ 128 കോടി രൂപയായിരുന്നു നേടിയിരുന്നതെന്നാണ് ബോക്സ് ഓഫീസ് കളക്ഷൻ റിപ്പോര്‍ട്ടുകള്‍ നിന്ന് മനസിലായത്. സംവിധായകനായി പൃഥ്വിരാജ് അരങ്ങേറ്റം കുറിച്ച ചിത്രമാണ് മോഹൻലാലിന്റെ ലൂസിഫറെന്ന പ്രത്യേകതയുമുണ്ട്. സംവിധായകനായും നായകനായും ആഗോളതലത്തില്‍ 100 കോടി ക്ലബില്ലെത്തി എന്ന റെക്കോര്‍ഡും പൃഥ്വിരാജിനാണ്.
