റൊണാള്‍ഡോ ഉറങ്ങിയ ബെഡ് ലേലത്തിന്..അടിസ്ഥാന വില…
ഫുട്‌ബോൾ ഇതിഹാസം ക്രിസ്റ്റ്യാനോ റൊണാള്‍ഡോ ഉറങ്ങിയ ബെഡ് ലേലത്തിന് വെച്ച് സ്ലൊവേനിയന്‍ ഹോട്ടല്‍. സ്ലൊവേനിയയിലെ ലുബ്ലിയാനയിലെ ഗ്രാന്‍ഡ് പ്ലാസ ഹോട്ടലാണ് ബെഡ് ലേലത്തിന് വെച്ചിരിക്കുന്നത് . ലേലത്തില്‍ ലഭിക്കുന്ന പണം ജീവകാരുണ്യ പ്രവര്‍ത്തനങ്ങള്‍ക്കായി നല്‍കുമെന്നും ഹോട്ടൽ അധികൃതർ വ്യക്തമാക്കി .
സ്ലൊവേനിയയ്‌ക്കെതിരായ സൗഹൃദമത്സരത്തിനെത്തിയപ്പോള്‍ പോര്‍ച്ചുഗല്‍ ദേശീയ ടീമിനൊപ്പം റൊണാള്‍ഡോ താമസിച്ചിരുന്നത് ഗ്രാന്‍ഡ് ഹോട്ടലിലായിരുന്നു . 5000 യൂറോ അതായത് ഏകദേശം 4.5 ലക്ഷം രൂപ, അടിസ്ഥാന വിലയിട്ടാണ് ബെഡ് ലേലത്തിന് വെക്കുന്നത്. ഒരു മീഡിയ കമ്പനിയുമായി സഹകരിച്ചാണ് ലേലം നടത്തുന്നത്.
