രോഗിയായ പതിനൊന്നുകാരിയെ ബലാത്സംഗം ചെയ്തു..യുവ ഡോക്ടർ പിടിയിൽ…
പതിനൊന്നുകാരിയായ രോഗിയെ ബലാത്സംഗം ചെയ്ത സംഭവത്തിൽ ഡോക്ടർ അറസ്റ്റിൽ. ആഗ്ര സരോജിനി നായിഡു മെഡിക്കൽ കോളേജിലെ യുവ ഡോക്ടറായ ദിൽഷാദ് ഹുസൈൻ ആണ് പിടിയിലായത്. സംഭവത്തിൽ മെഡിക്കൽ കോളേജ് അധികൃതർ നൽകിയ പരാതിയുടെ അടിസ്ഥാനത്തിൽ പൊലീസ് എഫ്ഐആർ രജിസ്റ്റർ ചെയ്തിട്ടുണ്ട്. സംഭവത്തിന് പിന്നാലെ യുവ ഡോക്ടറെ സസ്പെൻഡ് ചെയ്തതായി ആശുപത്രി അധികൃതർ അറിയിച്ചു.
കടുത്ത പനി മൂലമാണ് കുട്ടിയെ ആശുപത്രിയിൽ പ്രവേശിപ്പിക്കുന്നത്. തുടർന്ന് കൂടുതൽ പരിശോധനയ്ക്കായി കുട്ടികളുടെ വിഭാഗത്തിലേക്ക് മാറ്റി.ഇവിടെവെച്ച് രാത്രി പരിശോധനയ്ക്കെന്ന വ്യാജേന യുവ ഡോക്ടർ കുട്ടിയെ ചേംബറിലേക്ക് വിളിച്ചുവരുത്തുകയും ലൈംഗികമായി പീഡിപ്പിക്കുകയും ചെയ്തു. അവിടെനിന്നും രക്ഷപ്പെട്ട പെൺകുട്ടി അമ്മയോട് വിവരം പറഞ്ഞതോടെയാണ് സംഭവം പുറത്തറിയുന്നത്.
