രാഹുൽ ഗാന്ധി മണിപ്പൂരിലേക്ക്..കലാപബാധിത പ്രദേശങ്ങൾ സന്ദർശിക്കും…
പ്രതിപക്ഷ നേതാവ് രാഹുൽ ഗാന്ധി മണിപ്പൂർ സന്ദർശിക്കും. പ്രതിപക്ഷ നേതാവായ ശേഷം ആദ്യമായാണ് രാഹുൽ മണിപ്പൂരിലെത്തുന്നത്.ജൂലൈ എട്ടിന് മണിപ്പൂരിലെത്തുന്ന രാഹുൽ ഗാന്ധി കലാപബാധിത പ്രദേശങ്ങളിൽ സന്ദർശനം നടത്തും. സംസ്ഥാനത്തിലെ കോൺഗ്രസ് നേതാക്കളുമായി ചർച്ചകളും നടത്തും. ലോക്സഭയിലെ ആദ്യ പ്രസംഗത്തിൽ മണിപ്പൂർ വിഷയം ഉന്നയിച്ച് കനത്ത ആക്രമണമാണ് രാഹുൽ ബിജെപിക്കുനേരെ അഴിച്ചുവിട്ടിരുന്നത്.
ആദ്യമായല്ല രാഹുൽ ഗാന്ധിയുടെ മണിപ്പൂർ സന്ദർശനം. നേരത്തെ മണിപ്പൂരിലെ കലാപബാധിത പ്രദേശങ്ങൾ സന്ദർശിച്ച രാഹുൽ പ്രധാനമന്ത്രി നരേന്ദ്രമോദിയും ബിജെപിയും കലാപത്തെ കണ്ടില്ലെന്ന് നടിക്കുകയാണെന്ന് വിമർശിച്ചിരുന്നു.
