രണ്ടുവയസുകാരനായ മകന്റെ മുന്നിലിട്ട് അമ്മയെ ക്രൂരമായി ബലാത്സംഗം ചെയ്തു.. രണ്ടു പേർ..

രണ്ടുവയസുകാരനായ മകന്റെ മുന്നിലിട്ട് അമ്മയെ ക്രൂരമായി ബലാത്സംഗം ചെയ്തു. യുവതിയെ രണ്ടുപേർ ചേർന്നാണ് ബലാത്സംഗം ചെയ്തത്. യുവതിക്കൊപ്പം രണ്ടുവയസുള്ള മകനുമുണ്ടായിരുന്നു. റെയിൽവേ സ്റ്റേഷനിൽ വച്ച് അവശനിലയിലായ യുവതിയെ രക്തസ്രാവത്തോടെ സമീപവാസികളാണ് കണ്ടെത്തിയത്. ഇവരെ ഉടൻതന്നെ സർക്കാർ ആശുപത്രിയിൽ പ്രവേശിപ്പിച്ചു. യുവതിയുടെ ആരോഗ്യനില തൃപ്തികരമാണെന്ന് ഡോക്ടർമാർ പറഞ്ഞു. ആന്ധ്രാപ്രദേശിലെ പൽനാട് ജില്ലയിലെ ഗുരജാലയിൽ ആണ്സംഭവം. യുവതി ആന്ധ്രാപ്രദേശിൽ ജോലി തേടിയെത്തിയതാണ്. സംഭവ ദിവസം രാത്രി റെയിൽവേ സ്റ്റേഷനിൽ ഉറങ്ങിക്കിടക്കുന്നതിനിടെയാണ് യുവതിക്ക് നേരെ ലൈംഗിക അതിക്രമമുണ്ടായത്.