യുവതിയുടെ കൊലപതാകം..ആൺസുഹൃത്ത് അറസ്റ്റിൽ..നിർണായകമായത് ‘R’ ടാറ്റൂ…

യുവതിയുടെ കൊലപാതകവുമായി ബന്ധപ്പെട്ട് ആൺസുഹൃത്ത് അറസ്റ്റിൽ. യുവതിയുമായി പ്രണയത്തിലായിരുന്ന രാജ എന്നയാളാണ് 22-കാരിയായ യുവതിയെ കൊലപ്പെടുത്തിയതെന്ന് പോലീസ് പറഞ്ഞു.ഉത്തർപ്രദേശിലെ ഫിറോസാബാദിലാണ് സംഭവം.കൊല്ലപ്പെട്ട യുവതിക്ക് മറ്റൊരാളുമായി അടുപ്പമുണ്ട് എന്നാരോപിച്ചായിരുന്നു കൊലപാതകം.

ഫിറോസാബാദ് സ്വദേശിയായ യുവതി കഴിഞ്ഞ കുറച്ച് നാളുകളായി ബോണ്ട്സിയിലെ സുഹൃത്തിന്റെ വീട്ടിലായിരുന്നു താമസിച്ചിരുന്നത്. യുവതിയും രാജയും തമ്മിൽ ദീർഘനാളായി പ്രണയത്തിലായിരുന്നു. എന്നാൽ അടുത്തിടെ യുവതിക്ക് മറ്റൊരാളുമായി അടുപ്പമുണ്ടെന്ന സംശയം കൊലപാതകത്തിൽ കലാശിക്കുകയായിരുന്നുവെന്ന് പൊലീസ് പറഞ്ഞു. ഗുര്‍ഗാവിലെ ഗംറോജ് ടോൾ പ്ലാസയ്ക്കരികിലായുള്ള ഒഴിഞ്ഞ സ്ഥലത്ത് നിന്നാണ് യുവതിയുടെ മൃതദേഹം കണ്ടെത്തിയത്. മൃതദേഹം പരിശോധിച്ചപ്പോൾ ഇടത് കൈയിൽ ‘R’ എന്ന അക്ഷരം ടാറ്റൂ ചെയ്തതായി കണ്ടെത്തി. തുടർന്ന് നടത്തിയ അന്വേഷണത്തിൽ പൊലീസ് പ്രതിയിലേക്ക് എത്തിച്ചേരുകയായിരുന്നു.