മുൻ വൈരാഗ്യം..യുവാക്കളെ വെട്ടിപരിക്കേൽപ്പിച്ച പ്രതി പിടിയിൽ…
പാലക്കാട്‌ കടമ്പഴിപ്പുറത്ത് യുവാക്കളെ വെട്ടി പരിക്കേൽപ്പിച്ച കേസിൽ മുഖ്യപ്രതി പിടിയിൽ.കോങ്ങാട് പെരിങ്ങോട് പ്ലാച്ചിക്കാട്ടിൽ ഗോകുലിനെയാണ് ശ്രീകൃഷ്ണപുരം പൊലീസ് അറസ്റ്റ് ചെയ്തത്.മുൻ വൈരാഗ്യമാണ് അക്രമത്തിന് കാരണമെന്നും മറ്റു പ്രതികളെയും ഉടൻ പിടികൂടുമെന്നും പൊലീസ് പറഞ്ഞു.വ്യാഴാഴ്ച പുലർച്ചെയാണ് കടമ്പഴിപ്പുറം ബാർ ജംഗ്ഷനിൽ പ്രസാദ്, കുളക്കാട്ടുകുറിശ്ശി കണ്ടത്തിൽ ടോണി എന്നിവർക്ക് വെട്ടേറ്റത്.
കാറിലെത്തിയ സംഘമായിരുന്നു യുവാക്കളെ ആക്രമിച്ചത്. അറസ്റ്റിലായ ഗോകുൽ സ്വർണ വ്യാപാരിയെ മുളക് പൊടി എറിഞ്ഞ് കവർച്ച നടത്തിയ കേസിൽ പ്രതിയായിരുന്നെന്നും പോലീസ് പറഞ്ഞു.
