മുതലപൊഴിയിലെ അപകടം..മത്സ്യത്തൊഴിലാളിയുടെ മൃതദേഹം കണ്ടെത്തി…

മുതലപ്പൊഴിയിൽ മീൻപിടിത്ത വള്ളം മറിഞ്ഞ് കാണാതായ മത്സ്യ തൊഴിലാളിയുടെ മൃതദേഹം കണ്ടെത്തി. പുതുക്കുറിച്ചി സ്വദേശി ജോണി (50) ആണ് മരിച്ചത് .പുലർച്ചെ മത്സ്യതൊഴിലാളികൾ കടലിൽ പോകുന്നതിനിടെയാണ് അപകടം ഉണ്ടായത്.മത്സ്യബന്ധനത്തിനായി പോകവെ അഴിമുഖത്തുണ്ടായ ശക്തമായ തിരയിൽപ്പെട്ട വള്ളം മറിയുകയായിരുന്നു. വള്ളത്തിൽ ആറ് തൊഴിലാളികളുണ്ടായിരുന്നു. ഇതിൽ അഞ്ച് പേര്‍ നീന്തി രക്ഷപ്പെട്ടുകയായിരുന്നു .

തീരദേശ പോലീസും മത്സ്യതൊഴിലാളികളും നടത്തിയ തിരച്ചിലിലാണ് ജോണിൻ്റെ മൃതദേഹം കണ്ടെടുത്തത്. മൃതദേഹം ചിറകിൻകീഴ് ആശുപത്രിയിലേക്ക് മാറ്റി.