മുക്കുപണ്ടം പണയം വച്ച് പണം തട്ടാൻ ശ്രമിച്ച യുവാവ് അറസ്റ്റിൽ…
തൃശൂർ: ചേർപ്പിൽ മുക്കുപണ്ടം പണയം വച്ച് പണം തട്ടാൻ ശ്രമിച്ച യുവാവ് അറസ്റ്റിൽ. 33 ഗ്രാം തൂക്കമുള്ള മാല പണയം വയ്ക്കാൻ ശ്രമിക്കുന്നതിനിടയിലാണ് പുത്തൂർ സ്വദേശി സിജോ അറസ്റ്റിലായത്.പാലക്കൽ സെന്ററിലെ ഐശ്വര്യ ഗോൾഡ് എന്ന സ്ഥാപനത്തിലാണ് തട്ടിപ്പിന് ശ്രമിച്ചത്. സ്വർണത്തിൽ സംശയം തോന്നിയ ജീവനക്കാർ പൊലീസിനെ വിവരം അറിയിക്കുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ഇൻസ്പെക്ടർ ലൈജുമോന്റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്.
