മാസപ്പടിയിൽ തുടർ നടപടികളുമായി ഇ.ഡി.. ഇസിഐആർ രജിസ്റ്റർ ചെയ്തു…

മാസപ്പടി കേസിൽ തുടർ നടപടികളുമായി എൻഫോഴ്‌സ്‌മെന്റ് ഡയറക്ടറേറ്റ്. കേസിൽ ഇ.ഡി ഇസിഐആർ രജിസ്റ്റർ ചെയ്തു. പൊലീസ് എഫ്‌ഐആർ രജിസ്റ്റർ ചെയ്യുന്നതിന് തത്തുല്യമായ നടപടിയാണ് ഇസിഐആർ. മാസപ്പടി കേസിൽ എസ്എഫ്‌ഐഒ അന്വേഷണം പുരോഗമിക്കുന്നതിനിടെയാണ് ഇ.ഡി കൂടി നടപടികളിലേക്ക് കടക്കുന്നത്.ആദായ നികുതി നടത്തിയ പരിശോധനയുടെയും കണ്ടെത്തലുകളുടെയും വിവരങ്ങളും ഇ.ഡി ശേഖരിച്ചിരുന്നു. കേസിൽ ഇ.ഡിയുടെയോ സി.ബി.ഐയുടെയോ അന്വേഷണം വേണമെന്ന് പരാതിക്കാരനായ ഷോൺ ജോർജ് ആവശ്യപ്പെട്ടിരുന്നു. ഇത് ആവശ്യപ്പെട്ടുകൊണ്ട് ഹൈക്കോടതിയിൽ ഷോൺ ജോർജ് അധിക ഹർജി നൽകിയിരുന്നു. ഇതിനിടെയാണ് ഇഡി നടപടികളിലേക്ക് കടന്നിരിക്കുന്നത്.