മാവേലിക്കരയിൽ ഓട്ടോ വൈദ്യുതി പോസ്റ്റിൽ ഇടിച്ചു… 5 പേർക്ക് പരിക്ക്….

മാവേലിക്കര: ഓട്ടോ വൈദ്യുതി പോസ്റ്റിൽ ഇടിച്ച് മൂന്ന് സ്ത്രീകൾ ഉൾപ്പടെ 5 പേർക്ക് പരിക്കേറ്റു. ഇന്ന് രാവിലെ തട്ടാരമ്പലം പുതുശ്ശേരി അമ്പലത്തിന് പടിഞ്ഞാറാണ് അപകടം ഉണ്ടായത്. പത്തനംതിട്ടയിൽ നിന്ന് യാത്രക്കാരുമായി വന്ന ഓട്ടോ വൈദ്യുതി പോസ്റ്റിലേക്ക് ഇടിച്ച് കയറുകയായിരുന്നു. ഓട്ടോയിൽ കുടുങ്ങി കിടന്ന ഡ്രൈവറെ ഫയർഫോഴ്സ് എത്തി ഹൈഡ്രോളിക്സ്‌ കട്ടർ ഉപയോഗിച്ച് സീറ്റ് കട്ട് ചെയ്താണ് പുറത്തെടുത്തത്. യാത്രക്കാരായ മൂന്ന് സ്ത്രീകൾക്കും ഒരു പുരുഷനും പരിക്കേറ്റിരുന്നു. ഇവരെ നാട്ടുകാർ ആശുപത്രിയിൽ എത്തിച്ചു. ഡ്രൈവർ പത്തനംതിട്ട അങ്ങാടിക്കൽ നോർത്ത് ചരുവിളയിൽ ഉഷാദിന് കാലിന് ഗുരുതരമായി പരുക്കുണ്ട്.