മാവേലിക്കരയിൽ അൻപലിക്കളത്തിൽ വാക്ക് തർക്കം…. യുവാവ് കുത്തേറ്റ് മരിച്ചു…..

മാവേലിക്കര : അൻപലിക്കളത്തിൽ ഉണ്ടായ വാക്ക് തർക്കത്തിൽ യുവാവ് കുത്തേറ്റ് മരിച്ചു. മുള്ളിക്കുളങ്ങരയിൽ തെക്കേക്കര
വില്ലേജ് ഓഫീസ് ജങ്ഷന് വടക്ക് കനാൽ പാലത്തിന് താഴെ അശ്വതി ജങ്ഷനിലെ അൻപൊലി കളത്തിൽ
ഇന്നലെ രാത്രി 12 മണിയോടെയാണ് സംഭവം.

കൃഷ്ണപുരം സ്വദേശിയായ സജേഷ് (37) ആണ് മരിച്ചത്. ഉമ്പർനാട് ചക്കാല കിഴക്കതിൽ ഉള്ള ഭാര്യയുടെ വീട്ടിലാണ് ഇയാൾ താമസിച്ചിരുന്നത്. ഇയാളെ കുത്തിയ ഉമ്പർനാട്
പത്തിശ്ശേരിൽ വെട്ടോത്തി വിനോദ് എന്ന് വിളിക്കുന്ന വിനോദ് (50) ഒളിവിലാണ്. ഓട്ടോ ഡ്രൈവറാണ്.

കൈയുടെ മസിലിനാണ് കുത്തേറ്റത്. ജില്ലാ ആശുപത്രിയിൽ നിന്ന് കോട്ടയം മെഡിക്കൽ കോളേജിലേക്ക് കൊണ്ടു പോകും വഴി രക്തം വാർന്ന് മരിക്കുകയായിരുന്നെന്ന് പറയുന്നു. ഞരമ്പ് മുറിഞ്ഞിരുന്നു. ഭാര്യ: സൗമ്യ.
രണ്ടു മക്കളുണ്ട്.