മമ്മൂട്ടിയെ അനുകൂലിച്ചു..ബിജെപി നേതാവിനെതിരെ സൈബർ ആക്രമണവുമായി സംഘപരിവാർ….

നടൻ മമ്മൂട്ടിയെ അനുകൂലിച്ച് പോസ്റ്റിട്ട ബിജെപി നേതാവിനെതിരെ സൈബർ ആക്രമണവുമായി സംഘപരിവാർ.ബിജെപി നേതാവ് എ എൻ രാധാകൃഷ്ണനെതിരെയാണ് സ്വന്തം പാർട്ടിയിൽ നിന്നും സൈബർ ആക്രമണം നടക്കുന്നത്.മമ്മൂട്ടിക്കെതിരെ സൈബർ ആക്രമണം ഉയരുന്ന സാഹചര്യത്തിലാണ് താരത്തിന് പിന്തുണയുമായി ബിജെപി നേതാവ് രാധാകൃഷ്ണൻ രംഗത്തെത്തിയത്.കഴിഞ്ഞ 5 പതിറ്റാണ്ടുകളായി മലയാളി പൊതുസമൂഹത്തിന്റെ മുന്നിലെ തുറന്ന പുസ്തകമാണ് മമ്മൂട്ടി എന്നാണ് രാധാകൃഷ്ണന്റെ പോസ്റ്റ്. ഈ പോസ്റ്റിനു താഴെയാണ് സംഘപരിവാർ വിദ്വേഷ കമന്റുകൾ.

മഹാനടനെന്നും നായരും നമ്പൂതിരിയും നാടാരും ദളിതനും മുസൽമാനും ക്രിസ്ത്യാനിയും അങ്ങനെ കേരളത്തിന്റെ രാഷ്ട്രീയ സാമൂഹിക പശ്ചാത്തലത്തിൽ അടങ്ങുന്ന എല്ലാത്തരം കഥാപാത്രങ്ങളെയും അഭ്രപാളികളിൽ അവതരിപ്പിച്ച് വിസ്മയിപ്പിച്ചിട്ടുള്ള നടനാണ് അദ്ദേഹമെന്നാണ് രാധാകൃഷ്ണൻ കുറിച്ചത്.അങ്ങനെയുള്ള മമ്മൂട്ടിയെ പോലുള്ള കലാകാരനെ ഏതെങ്കിലും മതതീവ്ര ആശയങ്ങളും അജണ്ടയുമായി സിനിമാമേഖലയിൽ പ്രവർത്തിക്കുന്നവരുമായി കൂട്ടികെട്ടേണ്ട ആവശ്യം ഇല്ല എന്നും എനിക്ക് വ്യക്തിപരമായി അദ്ദേഹത്തെ പതിറ്റാണ്ടുകളായി അറിയുന്നതുമാണ് എന്നുമാണ് രാധാകൃഷ്ണൻ വ്യക്തമാക്കിയത് .ഈ പോസ്റ്റിനു താഴെയാണ് രാധാകൃഷ്ണനെതിരെ വിമർശനം ഉയരുന്നത്.