മമ്മൂട്ടിക്ക് കോവിഡ്
നടൻ മമ്മൂട്ടിക്ക് കോവിഡ് സ്ഥിരീകരിച്ചു. സിബിഐ ഡയറിക്കുറിപ്പ് 5ന്റെ ചിത്രീകരണത്തിനിടെയാണ് രോഗം സ്ഥിരീകരിച്ചത്. നിലവിൽ മമ്മൂട്ടിയുടെ ആരോഗ്യനില തൃപ്തികരമാണെന്നാണ് റിപ്പോർട്ട്. മമ്മൂട്ടിക്ക് ഇന്നലെ രാത്രി എ.സി ഫ്‌ളാറ്റിനകത്ത് അടച്ചിട്ട സ്ഥലത്തായിരുന്നു ചിത്രീകരണം. ഇന്ന് രാവിലെ മുതൽ അദ്ദേഹത്തിന് ചെറിയ തൊണ്ടവേദന അനുഭവപ്പെടുകയും തുടർന്ന് കോവിഡ് പരിശോധന നടത്തുകയുമായിരുന്നു.
മമ്മൂട്ടിയ്ക്ക് കോവിഡ് സ്ഥിരീകരിച്ചതിനെ തുടര്‍ന്ന് സി.ബി.ഐ 5 ന്റെ ഷൂട്ടിംഗ് നിര്‍ത്തിവെച്ചു. കഴിഞ്ഞ മാസം 29നാണ് ചിത്രത്തിന്റെ ഷൂട്ടിംഗ് ആരംഭിച്ചത്. ലിജോ ജോസ് പെല്ലിശ്ശേരിയുടെ നന്‍പകല്‍ നേരത്ത് മയക്കം എന്ന ചിത്രത്തിന്റെ ഷൂട്ടിംഗ് പൂര്‍ത്തിയാക്കിയ ശേഷമാണ് അദ്ദേഹം സി.ബി.ഐ 5 ന്റെ ചിത്രകരണത്തിനായി എത്തിയത്.
