മദ്യപിച്ചവരെ പിടികൂടുമെന്ന് വിവരം..പിന്നാലെ അവധിയെടുത്ത കെഎസ്ആർടിസി ജീവനക്കാർക്ക് എട്ടിന്റെ പണി….
മുന്നറിയിപ്പില്ലാതെ അവധിയെടുത്ത പത്തനാപുരം ഡിപ്പോയിലെ 14 ജീവനക്കാർക്കെതിരെ അച്ചടക്ക നടപടിയെടുത്ത് കെഎസ്ആർടിസി.കെഎസ്ആര്‍ടിസി ചെയര്‍മാൻ & മാനേജിംഗ് ഡയറക്ടറുടെ ഓഫീസ് പുറത്തിറക്കിയ കുറിപ്പിലാണ് ഇക്കാര്യം അറിയിച്ചിരിക്കുന്നത്.കൂടാതെ അവധിയെടുത്ത 16 ഡ്രൈവർമാരെ സ്ഥലംമാറ്റിയിട്ടുമുണ്ട്. നാല് കരാർ ജീവനക്കാരെ സർവ്വീസിൽ നിന്ന് മാറ്റിനിർത്തുകയും ചെയ്തു .
മദ്യപിച്ച് ജോലിക്കെത്തുന്നവരെ പിടികൂടാനായി കെഎസ്ആർടിസി വിജിലൻസ് എത്തുമെന്നത് അറിഞ്ഞതോടെയായിരുന്നു ജീവനക്കാർ മുന്നറിയിപ്പില്ലാതെ കൂട്ട അവധിയെടുത്ത് മുങ്ങിയത്.ജീവനക്കാർ കൂട്ടമായി അവധിയെടുത്തതോടെ പത്തനാപുരം യൂണിറ്റിലെ നിരവധി സർവീസുകൾ റദ്ദ് ചെയ്യേണ്ടി വന്നു. 1,88,665 രൂപയുടെ സാമ്പത്തിക നഷ്ടമാണ് ഇതിലൂടെ കെഎസ്ആർടിസിക്ക് ഉണ്ടായത്. പിന്നാലെയാണ് ജീവനക്കാർക്കെതിരെ അച്ചടക്ക നടപടിയെടുത്തത്.
