മദ്യപിക്കാൻ പണം നൽകിയില്ല..മധ്യവയസ്കന്റെ തല അടിച്ചുപൊട്ടിച്ച് അതിഥി തൊഴിലാളി..അറസ്റ്റ്…

കോട്ടയത്ത് മദ്യപിക്കാൻ പണം നൽകിയില്ലെന്ന് ആരോപിച്ച് അതിഥിത്തൊഴിലാളി മധ്യവയസ്കനെ ചുറ്റിക കൊണ്ട് തലയ്‌ക്കടിച്ചു പരിക്കേൽപ്പിച്ചു.പാമ്പാടി കങ്ങഴ സ്വദേശിക്കാണ് പരിക്കേറ്റത്.സംഭവത്തിൽ . ഇയാളുടെ വീട്ടിലെ ജോലിക്കാരനായ അസം സ്വദേശി ഗോകുൽ ഗാർഹ് (34) യെ പാമ്പാടി പൊലീസ് അറസ്റ്റ് ചെയ്തു.

കഴിഞ്ഞ ദിവസം ഉച്ചയോടെ മധ്യവയസ്കൻ നടത്തിയിരുന്ന ഹാർഡ് വെയർ സ്ഥാപനത്തിലെത്തി പണം ആവശ്യപ്പെട്ട് ഇയാൾ ബഹളമുണ്ടാക്കുകയും അവിടെയുണ്ടായിരുന്ന ചുറ്റികയെടുത്ത് തലയ്ക്കടിക്കുകയുമായിരുന്നു.ഉടമയുടെ പരാതിയെ തുടർന്ന് നടത്തിയ അന്വേഷണത്തിലാണ് അസം സ്വദേശി പിടിയിലായത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.