ബോംബ് ഭീഷണി..സ്‌കൂളുകള്‍ ഒഴിപ്പിച്ചു…
ഡല്‍ഹിയില്‍ സ്‌കൂളുകള്‍ക്ക് നേരെ ബോംബ് ഭീഷണി.മൂന്ന് സ്‌കൂളുകള്‍ക്ക് നേരെയാണ് ഭീഷണി ഉണ്ടായത് . ഇമെയിലിലൂടെയാണ് സന്ദേശം എത്തിയത് .തുടർന്ന് സ്‌കൂളിലുണ്ടായിരുന്ന എല്ലാവരെയും പുറത്തിറക്കി. ചാണക്യപുരിയിലുള്ള സന്‍സ്‌കൃതി സ്‌കൂള്‍, മയൂര്‍ വിഹാറിലെ മദര്‍ മേരി സ്‌കൂള്‍, ഡല്‍ഹി പബ്ലിക് സ്‌കൂള്‍ എന്നിവയ്ക്കു നേരെയാണ് ബോംബ് ഭീഷണിയുണ്ടായത്. ഉടന്‍ തന്നെ ലോക്കല്‍ പൊലീസില്‍ വിവരം അറിയിക്കുകയും സ്‌കൂള്‍ പരിസരം ഒഴിപ്പിക്കുകയും ചെയ്തു .
ബോംബ് സ്‌ക്വാഡും അഗ്നിരക്ഷാ സേനയും ഉള്‍പ്പടെ സ്‌കൂളുകളിൽ എത്തി പരിശോധന നടത്തിവരികയാണ് .ഇതുവരെ സംശയാസ്പദമായ ഒന്നും കണ്ടെത്തിയിട്ടില്ലെന്ന് അധികൃതര്‍ അറിയിച്ചു.
