ബസ് ട്രാക്ടറുമായി കൂട്ടിയിടിച്ച് താഴ്ചയിലേക്ക് മറിഞ്ഞു..അഞ്ച് മരണം..നിരവധിപേർക്ക് പരുക്ക്…

ബസ് ട്രാക്ടറുമായി കൂട്ടിയിടിച്ച് താഴ്ചയിലേക്ക് മറിഞ്ഞ് അഞ്ച് പേർ മരിച്ചു. അപകടത്തിൽ 42 പേർക്ക് പരിക്കേറ്റു. മുംബൈയിലെ എക്സ്പ്രസ് ഹൈവേയ്ക്ക് സമീപമായിരുന്നു അപകടം ഉണ്ടായത്.ഇടിച്ച ശേഷം ബസ് അടുത്തുള്ള കിടങ്ങിലേക്കാണ് വീണത്. ഇതോടെ രക്ഷാപ്രവർത്തനം ദുഷ്കരമായി.

ഡോംബിലയിലെ കേസർ ​ഗ്രാമത്തിൽ നിന്നും തീർഥാടകരുമായി പന്തർപുരിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്.പരിക്കേറ്റവരെ എംജിഎം ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് മുംബൈ – ലോനാവാല റോഡിൽ മൂന്ന് മണിക്കൂറോളം ​ഗതാ​ഗതം തടസപ്പെട്ടു. ക്രെയിൻ ഉപയോ​ഗിച്ച് താഴ്ചയിൽ നിന്ന് ബസ് പുറത്തെടുത്ത ശേഷം ​ഗതാ​ഗതം പുന:സ്ഥാപിച്ചു.