ബംഗ്ളാദേശിലെ പോലെ പ്രക്ഷോഭങ്ങൾ ഇന്ത്യയിലുമുണ്ടാകും.. വിവാദ പ്രസ്താവനയുമായി സൽമാൻ ഖുർഷിദ്…

ബംഗ്ളാദേശിൽ നടക്കുന്നതിനു സമാനമായ പ്രക്ഷോഭങ്ങൾ ഇന്ത്യയിലുമുണ്ടാകുമെന്ന് കോൺ​ഗ്രസ് നേതാവ് സൽമാൻ ഖുർഷിദ്. പുറമെ സമാധാനപരമാണെങ്കിലും അക്രമാസക്തമാകുന്ന സാഹചര്യം ഇന്ത്യയിലുമുണ്ടാകാമെന്ന ഖുര്‍ഷിദിന്റെ പ്രസ്താവന വിവാദത്തിൽ.

പിന്നാലെ കോൺ​ഗ്രസിനെതിരെ രൂക്ഷ വിമർശനവുമായി ബിജെപി രം​ഗത്തെത്തി. ഇന്ത്യക്കൊപ്പമാണെന്ന് പറയുമ്പോഴും ജനങ്ങളെ പ്രകോപിപ്പിച്ച് ബം​ഗ്ലാദേശിലുണ്ടാകുന്ന പോലെ സാഹചര്യം ഇന്ത്യയിലും ഉണ്ടാക്കാനാണ് കോൺ​ഗ്രസിന്റെ ലക്ഷ്യമെന്ന് ബിജെപി നേതാവ് ഷെഹസാദ് പൂനെവാല പറഞ്ഞു. വിദേശ സന്ദർശന സമയത്തൊക്കെ ഇന്ത്യക്കെതിരെ പ്രസം​ഗിക്കുന്ന രാഹുലിന്റെ ഉള്ളിലിരിപ്പ് വ്യക്തമായെന്ന് സംബിത് പാത്ര എംപിയും പറഞ്ഞു.

എന്നാൽ സൽമാൻ ഖുർഷിദിന്റേത് വ്യക്തിപരമായ അഭിപ്രായമാണെന്നും, ബം​ഗ്ലാദേശിലെ വിഷയം ഇന്ത്യയെ സംബന്ധിച്ചിടത്തോളം വളരെ ​ഗൗരവമുള്ളതാണെന്നും കോൺ​ഗ്രസ് എംപി മാണിക്കം ടാ​ഗോർ പ്രതികരിച്ചു. വിഷത്തിൽ കോൺ​ഗ്രസ് അധ്യക്ഷൻ പ്രതികരിച്ചിട്ടുണ്ട്. ഇത്തരം വിഷയങ്ങളിൽ പ്രതികരിക്കുമ്പോൾ കൂടുതൽ ജാ​ഗ്രത പാലിക്കണമെന്നും മാണിക്കം ടാ​ഗോർ അഭിപ്രായപ്പെട്ടു.