ഫ്ളാറ്റിൽ നിന്ന് ദുർഗന്ധം.. പരിശോധിച്ചപ്പോൾ കണ്ടെത്തിയത്…
ഫ്ളാറ്റിൽ നിന്ന് ദുർഗന്ധം വമിക്കുന്നുവെന്ന് പരാതി. പരാതിയെ തുടർന്ന് പൊലീസ് നടത്തിയ തെരച്ചിലിൽ കണ്ടെത്തിയത് ഒന്നിലേറെ സ്യൂട്ട്കേസുകൾ. സ്യൂട്ട്കേസുകളിൽ മനുഷ്യ ശരീരത്തിന്റെ ഭാഗങ്ങളും.
ഇരുപത് വയസിലേറെ പ്രായമുള്ള യുവതിയാണ് അപ്പാർട്ട്മെന്റിലെ ആറാം നിലയിൽ താമസിച്ചിരുന്നത്. ഈ ഫ്ളാറ്റിലാണ് ശരീരഭാഗങ്ങൾ സ്യൂട്ട്കേസിലാക്കിയ നിലയിൽ കണ്ടെത്തിയത്. യുവതിയും കാമുകനുമായി വഴക്ക് പതിവായിരുന്നുവെന്നും ദിവസങ്ങളായി യുവതിയെ കാണാനില്ലെന്നും അയൽവാസികൾ പൊലീസിൽ മൊഴി നൽകി. ബ്രൂക്ലിനിലെ ഫ്ളാറ്റിലാണ് സംഭവം.സ്യൂട്ട്കേസിലെ മൃതദേഹാവശിഷ്ടങ്ങൾ യുവതിയുടേതാണായെന്ന് കണ്ടെത്താനുള്ള ശ്രമങ്ങൾ പൊലീസ് ആരംഭിച്ചുകഴിഞ്ഞു. യുവതിയുടെ കാമുകന് വേണ്ടിയും തെരച്ചിൽ ആരംഭിച്ചിട്ടുണ്ട്
