ഫോണില്‍ വിളിച്ചു ശല്യം..നമ്പർ ബ്ലോക്ക് ചെയ്തതിന് വടിവാളുമായി വീട്ടിൽ കയറി ഭീഷണി..യുവാവ് പിടിയിൽ….
വീട്ടില്‍ അതിക്രമിച്ചു കയറി സ്ത്രീക്കെതിരെ വടിവാള്‍ വീശി കൊല്ലുമെന്ന് ഭീഷണിപ്പെടുത്തിയ യുവാവ് അറസ്റ്റിൽ. മുട്ടില്‍ മാണ്ടാട് സ്വദേശിയായ നായ്‌ക്കൊല്ലി വീട്ടില്‍ എം. സുബൈര്‍ (31) നെയാണ് കല്‍പ്പറ്റ പൊലീസ് പിടികൂടിയത് .ഫോണില്‍ വിളിച്ചു ശല്യം ചെയ്തതിനെ തുടർന്ന് യുവതി സുബൈറിനെ ബ്ലോക്ക് ചെയ്തിരുന്നു. ഇതിൽ ഉണ്ടായ വിരോധമാകാം ആക്രമണത്തിന് കാരണമെന്ന് പൊലീസ് പറഞ്ഞു . ഇതേ തുടർന്ന് വീട്ടില്‍ അതിക്രമിച്ചു കയറി വടിവാള്‍ വീശുകയും കൊല്ലുമെന്ന് ഭീഷണിപ്പെടുത്തുകയായിരുന്നു. പരാതി ലഭിച്ചതിനെ തുടർന്നാണ് പൊലീസിന്റെ നടപടി.
