പ്രായപൂർത്തിയാകാത്ത പെൺകുട്ടിയോട് നാല് വർഷമായി ലൈംഗിക അതിക്രമം..പ്രതി അറസ്റ്റിൽ…
പ്രായപൂര്‍ത്തിയാവാത്ത കുട്ടിയെ നാലുവർഷത്തോളം ലൈംഗികമായി പീഡിപ്പിച്ച യുവാവ് അറസ്റ്റിൽ .കുഞ്ഞോത്ത് പന്നിയോടന്‍ വീട്ടില്‍ ഷഫീഖ് (27) നെയാണ് തൊണ്ടര്‍നാട് പൊലീസ് അറസ്റ്റ് ചെയ്തത് . 2020 മുതല്‍ പല തവണകളായി ഇയാൾ കുട്ടിക്കെതിരെ ലൈംഗികാതിക്രമം നടത്തിയതായി പറയുന്നു .കൂടാതെ ഭീക്ഷണിപ്പെടുത്തി കുട്ടിയുടെ സ്വര്‍ണാഭരണങ്ങളും പണവും കൈക്കലാക്കിയതായും ബന്ധുക്കൾ നൽകിയ പരാതിയിൽ പറയുന്നു.
ഇതിനു മുന്‍പ് പ്രതിയായ ഷഫീഖ് കഞ്ചാവ് കേസിലും ഉള്‍പ്പെട്ടിരുന്നതായും പൊലീസ് വ്യക്തമാക്കി . തൊണ്ടര്‍നാട് പൊലീസ് ഇന്‍സ്പെക്ടര്‍ എസ് എച്ച് ഒ എസ്എസ് ബൈജുവിന്റെ നേതൃത്വത്തിലുള്ള പൊലീസാണ് പ്രതിയെ അറസ്റ്റ് ചെയ്തത്.കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
