പ്രചരണത്തിന് മറിയാമ്മ ഉമ്മനും..കുടുംബത്തോടെ യുഡിഎഫിന്റെ പ്രചാരണം…

മക്കളായ അച്ചു ഉമ്മനും ചാണ്ടി ഉമ്മനും പുറമെ ഉമ്മൻ ചാണ്ടിയുടെ ഭാര്യ മറിയാമ്മ ഉമ്മനും മക്കളായ മറിയം ഉമ്മനും പ്രചാരണത്തിനിറങ്ങും . കോൺഗ്രസിന്റെ എല്ലാ കുടുംബാംഗങ്ങളും പ്രചാരണത്തിന് ഇറങ്ങണമെന്നും ഉമ്മൻചാണ്ടിയുടെ ഭാര്യ മറിയാമ്മ ഉമ്മൻ ഫേസ്ബുക്കിലൂടെ അറിയിച്ചു . ഉമ്മൻ ചാണ്ടിയുടെ പേരിലുള്ള ഔദ്യോഗിക ഫെയ്സ്ബുക്ക് പേജിലൂടെയാണ് കുടുംബാംഗങ്ങൾ എല്ലാവരും പ്രചാരണത്തിന് ഇറങ്ങുമെന്ന് അറിയിച്ചത്. ജീവിതത്തിൽ ആദ്യമായി അനാരോഗ്യം വകവെക്കാതെ താനും പ്രചരണത്തിനായി ഇറങ്ങുകയാണെന്നും,ഇതൊന്നും ഉമ്മൻചാണ്ടിയ്ക്ക് പകരമാവില്ല എന്നറിയാം.എന്നാൽ ഈ രാജ്യത്തെ മതേതരത്വവും ജനാധിപത്യവും നമ്മുടെ ഭരണഘടനയും സംരക്ഷിക്കുന്നതിനായി രാഹുൽഗാന്ധിയോടൊപ്പവും നിങ്ങൾ ഓരോരുത്തരോടൊപ്പവും ചേർന്ന് നിന്ന് പ്രവർത്തിക്കും എന്നും അവർ വ്യക്തമാക്കി .