പോസ്റ്ററുകള്‍ കെട്ടികിടക്കുന്നു..പരാതിയുമായി കൃഷ്ണകുമാര്‍…
ബിജെപി കൊല്ലം ജില്ലാ നേതൃത്വത്തിനെതിരെ സംസ്ഥാന നേതൃത്വത്തിന് പരാതി നൽകി എന്‍ഡിഎ സ്ഥാനാര്‍ത്ഥി ജി കൃഷ്ണകുമാര്‍.തന്റെ പോസ്റ്റർ വിതരണം ചെയ്യുന്നില്ലെന്നും, ജില്ലാ നേതൃത്വം തിരഞ്ഞെടുപ്പ് പ്രചാരണ പ്രവര്‍ത്തനങ്ങളോട് സഹകരിക്കുന്നില്ല എന്നുമാണ് പരാതി .തന്റെ പോസ്റ്ററുകള്‍ കെട്ടിക്കിടക്കുകയാണെന്നും പരാതിയിൽ പറയുന്നു .പരാതിക്ക് പിന്നാലെ ആർഎസ്എസ് ഇടപെട്ട് പ്രവർത്തങ്ങൾ ഏകോപിപ്പിക്കാൻ സംവിധാനം ഒരുക്കി .
സ്ഥാനാർഥി നിർണയം വൈകിയതിനാൽ പോസ്റ്ററുകൾ അച്ചടിക്കാൻ താമസം ഉണ്ടെന്നായിരുന്നു ആദ്യം ജില്ല നേതൃത്വത്തിന്റെ വാദം .ഇതോടെ കൃഷ്ണകുമാർ സ്വന്തം നിലയ്ക്ക് പോസ്റ്ററുകൾ അച്ചടിക്കുകയായിരുന്നു .എന്നാൽ ഈ പോസ്റ്ററുകള്‍ പോലും ജില്ലാ നേതൃത്വം വിതരണം ചെയ്യുന്നില്ല. ഈ നിലയില്‍ മുന്നോട്ട് പോകാനാകില്ലെന്നും പരാതിയിലുണ്ട്.
