പൊലീസ് സ്റ്റേഷനിൽ വനിതാ പൊലീസുകാർ തമ്മിൽ വാക്കുതർക്കം

തിരുവനന്തപുരം: ആര്യനാട് പൊലീസ് സ്റ്റേഷനിൽ വനിതാ പൊലീസുകാർ തമ്മിൽ വാക്കുതർക്കം. ഒളിച്ചോട്ട സംഭവത്തിലെ കക്ഷികളെ കോടതിയിൽ കൊണ്ടുപോകാനുള്ള തയ്യാറെടുപ്പുകൾക്കിടയിലായിരുന്നു സംഭവം. വനിതാ എസ്ഐയുടെ സാന്നിധ്യത്തിലാണ് സ്റ്റേഷനിൽ വാക്കുതർക്കം ഉണ്ടായത്. നാട്ടുകാരടക്കം നോക്കിനിൽക്കെയായിരുന്നു സംഭവം. വാക്കുതർക്കത്തിൻ്റെ വിഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. നാട്ടുകാരിൽ ആരോ എടുത്ത വിഡിയോ ആണ് ഇത്.