പാലക്കാട്ടെ വിവാദ ഫ്ലക്സ്..പൊലീസെത്തി നീക്കം ചെയ്തു….

പാലക്കാട് മണ്ഡലത്തിൽ സിപിഎം സ്ഥാനാർഥി എ വിജയരാഘവന് അഭിവാദ്യങ്ങൾ അർപ്പിച്ച് പ്രത്യക്ഷപ്പെട്ട വിവാദ ബോർഡ് പൊലീസ് നീക്കം ചെയ്തു. നാട്ടുകൽ പൊലീസെത്തിയാണ് പാലക്കാട് മണ്ഡലത്തിൽ പൊൻപാറയിലെ സി പി എം ബൂത്ത്‌ കമ്മറ്റിയുടെ പേരിൽ പ്രത്യക്ഷപ്പെട്ട ഫ്ളക്സ് നീക്കം ചെയ്തത് .പാലക്കാടിന്‍റെ നിയുക്ത എം പിക്ക് അഭിവാദ്യങ്ങൾ എന്നുപറഞ്ഞുകൊണ്ട് എ വിജയരാഘവനെ അഭിനന്ദിച്ചുള്ള ബോർഡാണ് പൊലീസ് എടുത്തുമാറ്റിയത്. തെറ്റിദ്ധരിപ്പിക്കുന്ന ബോർഡ് ആയതുകൊണ്ടാണ് നീക്കം ചെയ്തതെന്ന് മണ്ണാർക്കാട് ഡി വൈ എസ് പി വ്യക്തമാക്കി.അതേസമയം സംഭവവുമായി പാർട്ടിക്ക് ബന്ധമില്ലെന്ന് സി പി എം ജില്ലാ സെക്രട്ടറി സുരേഷ് ബാബു അറിയിച്ചിരുന്നു.