പാമ്പുകടിയേറ്റിട്ടില്ല, സംശയത്തിന്‍റെ പേരില്‍ റഫര്‍ ചെയ്തത് ശരിയായില്ല…നിഷേധിച്ച് ആരോഗ്യവകുപ്പ് ഡയറക്ടർ…
ചിറ്റൂർ താലൂക്ക് ആശുപത്രിയിൽ യുവതിക്ക് പാമ്പുകടിയേറ്റ സംഭവത്തിൽ ട്വിസ്റ്റ്. യുവതിക്ക് പാമ്പുകടിയേറ്റിട്ടില്ലെന്ന് ആരോഗ്യവകുപ്പ് ഡയറക്ടർ ഡോക്ടർ കെ ജെ റീന വെളിപ്പെടുത്തി. വിശദമായ പരിശോധനയിൽ പാമ്പുകടി ഏറ്റില്ലെന്നു ബോധ്യമായതായും പാമ്പ് കടിയേറ്റ സംശയത്തിൽ യുവതിയെ പാലക്കാട് ജില്ലാ ആശുപത്രിയിലേക്ക് റഫർ ചെയ്ത നടപടി ഉചിതമായില്ലെന്നും ആരോഗ്യവകുപ്പ് ഡയറക്ടർ പറഞ്ഞു.
താലൂക്ക് ആശുപത്രിയിൽ ആന്റിവനം അടക്കം എല്ലാ സൗകര്യങ്ങളും ഉണ്ട്. താലൂക്ക് ആശുപത്രിയിൽ തന്നെ അമ്മയെ നിരീക്ഷണത്തിൽ പാർപ്പിക്കണമായിരുന്നു എന്നും ഡിഎച്ച്എസ് പറഞ്ഞു. വിഷമില്ലാത്ത പാമ്പിനെയാണ് പുറത്തെ ചൂലിൽ കണ്ടെത്തിയത്. ആശുപത്രിയിൽ ചികിത്സയ്ക്ക് എത്തിയ കുട്ടി പുറത്ത് മൂത്രമൊഴിച്ചത് കഴുകാൻ പോയപ്പോഴാണ് ചൂലിൽ പാമ്പിനെ കണ്ടത്. സംഭവത്തിൽ ആശുപത്രി സൂപ്രണ്ടിനോടും ഡോക്ടറോടും വിശദീകരണം തേടി.
