പന്തീരാങ്കാവ് കേസ്..രാഹുല്‍ നിരപരാധിയെന്ന് മൊഴിമാറ്റി യുവതി..പിന്നാലെ കാണ്മാനില്ലന്ന പരാതിയുമായി കുടുംബം…
പന്തീരാങ്കാവ് ഗാ‍ർഹിക പീഡനക്കേസിൽ പ്രതി രാഹുലിനെ ന്യായീകരിച്ച് പരാതിക്കാരി. രാഹുൽ നിരപരാധിയാണെന്ന് പരാതിക്കാരി പറഞ്ഞു. സമ്മർദ്ദത്തെ തുടർന്നാണ് തെറ്റായ പരാതികൾ ഉന്നയിച്ചതെന്നും യുവതി.രാഹുൽ ശാരീരികമായി ഉപദ്രവിച്ചിട്ടില്ല. സ്ത്രീധനം ആവശ്യപെട്ടിട്ടില്ല. തന്റെ ആരോപണങ്ങളെല്ലാം നുണയായിരുന്നെന്നും യുവതി .വീട്ടുകാരുടെ നിർബന്ധം മൂലമാണ് ആരോപണം ഉന്നയിച്ചതെന്നും യുവതി പറഞ്ഞു.സോഷ്യ മീഡിയയിലൂടെയാണ് യുവതി ഈ കാര്യങ്ങൾ വ്യക്തമാക്കിയിരിക്കുന്നത്.
അതേസമയം യുവതിയെ കാണാനില്ലെന്ന പരാതിയുമായി യുവതിയുടെ കുടുംബം രംഗത്തെത്തിയിട്ടുണ്ട് .യുവതിയെ കുറിച്ച് ഇന്നലെ മുതൽ വിവരമൊന്നുമില്ല. മെയ് 28 ന് ശേഷം ഒരാഴ്ചയായി ഓഫീസിൽ ചെന്നിട്ടില്ലെന്നും .യുവതി നിലപാട് മാറ്റിയത് രാഹുലിൻ്റെ സമ്മർദ്ദത്തിന് വഴങ്ങിയാവാം എന്നും സഹോദരൻ പറഞ്ഞു. യുവതിയുടെ ഫോണ്‍ സ്വിച്ച് ഓഫാണെന്നും കുടുംബം പറയുന്നു. രാഹുലിനെതിരെ താൻ പറഞ്ഞ ആരോപണങ്ങളെല്ലാം കള്ളമാണെന്ന് പറഞ്ഞ് യുവതി വീഡിയോ പോസ്റ്റ് ചെയ്തതിന് പിന്നാലെയാണ് കുടുംബത്തിന്റെ പ്രതികരണം.
