നാടൻ തോക്കുമായി യുവാവ് അറസ്റ്റിൽ…

വയനാട്: നാടൻ തോക്ക് കൈവശം വെച്ച യുവാവ് അറസ്റ്റിൽ. മാനന്തവാടി ഒണ്ടെയങ്ങാടി സ്വദേശി ബാലചന്ദ്രനാണ് അറസ്റ്റിലായത്. കുന്നമ്പറ്റയിലെ ഒരു റിസോർട്ടിന് സമീപം ഫോറസ്റ്റ് റേഞ്ച് ഓഫീസർ ഡി ഹരിലാലിന്റെ നേതൃത്വത്തിൽ നടത്തിയ പട്രോളിംഗിനിടെയാണ് ഇയാളെ പിടികൂടിയത്.

ഇൻസ്‌പെക്ടർ എസ്എച്ച്ഒ ബികെ സിജുവിന്റെ നേതൃത്വത്തിലുള്ള പേലീസ് സംഘം ബാലചന്ദ്രനെ അറസ്റ്റ് ചെയ്തു. തുടർന്ന് ഇയാളുടെ കൈവശമുണ്ടായിരുന്ന സാധനങ്ങൾ കസ്റ്റഡിയിൽ എടുത്തു. സംഭവത്തിൽ കൂടുതൽ അന്വേഷണം നടന്നു വരികയാണെന്ന് പോലീസ് വ്യക്തമാക്കി.