നാഗർകോവിലിൽ 18 പവൻ കവർച്ച; മോഷ്ടാക്കൾ അറസ്റ്റിൽ…

നാഗർകോവിൽ: പാർവതിപുരത്തിനുസമീപം പൂട്ടിയിട്ടിരുന്ന വീട്ടിൽനിന്ന് 18 പവൻ ആഭരണങ്ങൾ കവർന്ന മോഷ്ടാക്കളെ പ്രത്യേകസംഘം പിടികൂടി. ധർമപുരം കാര്യമംഗലം സ്വദേശികളായ മൂർത്തി (48), രാമമൂർത്തി (48), കൃഷ്ണഗിരി ബല്ലാരൻപള്ളി സ്വദേശി രമേഷ് (48) എന്നിവരാണ് അറസ്റ്റിലായത്. പ്രതികളിൽനിന്ന് ആഭരണങ്ങൾ പിടിച്ചെടുത്തു. കഴിഞ്ഞ ഏഴിന് റിട്ട. എൻജിനിയർ വിനോദ് സൈമന്റെ വീട്ടിൽനിന്നാണ് മോഷ്ടാക്കൾ ആഭരണങ്ങൾ കവർന്നത്. വടശ്ശേരി ഇൻസ്പെക്ടർ കാശി പാണ്ഡ്യന്റെ നേതൃത്വത്തിലുള്ള പ്രത്യേക സംഘമാണ് ഒളിവിലായിരുന്ന പ്രതികളെ പിടികൂടിയത്.