നരേന്ദ്ര മോദിക്കൊപ്പം സെൽഫി എടുക്കുന്ന ഈ വിദേശ വനിത ആരാണ് ? വൈറലായി വീഡിയോ…..

ഇറ്റലിയിൽ നടന്ന ജി 7 ഉച്ചകോടിക്കിടെ എടുത്ത സെൽഫി വീഡിയോയാണ് ഇപ്പോൾ സോഷ്യൽ മീഡിയയിൽ പ്രചാരം നേടുന്നത്. വീഡിയോ ഇതിനോടകം 5.5 മില്യണിലധികം കാഴ്ച്ചക്കാരെ സ്വന്തമാക്കിയത്. ഈ ട്വീറ്റ് എല്ലാ റെക്കോർഡുകളും തകർക്കും, രണ്ട് ലോകനേതാക്കൾ വ്യക്തിപരമായി സൗഹൃദം പുലർത്തുന്നത് കാണുന്നതിൽ വളരെ സന്തോഷം, വളരെക്കാലത്തിന് ശേഷം, മോദി വളരെ സന്തോഷവാനാണ് എന്നിങ്ങനെയാണ് പ്രതികരണങ്ങൾ.

പ്രധാനമന്ത്രി നരേന്ദ്ര മോദിയും ഇറ്റാലിയൻ പ്രധാനമന്ത്രി ജോർജിയ മെലോനിയുമാണ് സെൽഫി എടുത്തത്. മെലോനി തൻ്റെ ഔദ്യോഗിക സോഷ്യൽ മീഡിയ പേജിൽ വീഡിയോ പങ്കുവെച്ചതിന് പിന്നാലെ നിരവധി പേരാണ് പ്രതികരണമറിയിച്ചും വീഡിയോ ഷെയർ ചെയ്തും രംഗത്തെത്തിയത്. ഹായ് സുഹൃത്തുക്കളേ, മെലോഡിയിൽ നിന്ന് എന്ന അടിക്കുറിപ്പോടെയാണ് ഇറ്റാലിയൻ പ്രധാനമന്ത്രി വീഡിയോ പോസ്റ്റ് ചെയ്തത്.