താമരശ്ശേരി ചുരത്തിൽ അപകടം..വാഹനം 20 മീറ്റർ താഴ്ചയിലേക്ക് മറിഞ്ഞു…
താമരശ്ശേരി ചുരത്തിൽ വാഹനം മറിഞ്ഞ് അപകടം .കർണാടകയിൽ നിന്ന് വാഴക്കുലയുമായി വന്ന പിക്കപ്പ് ലോറിയാണ് അപകടത്തിൽപ്പെട്ടത്. ഇന്ന് പുലർച്ചെ 1.30 നായിരുന്നു അപകടം നടന്നത് .വാഹനം ചുരം നാലാം വളവില്‍ നിന്ന് രണ്ടാം വളവിലേക്ക് 20 മീറ്റര്‍ താഴ്ചയിലേക്ക് പതിക്കുകയായിരുന്നു.അപകടത്തിൽ രണ്ട് കര്‍ണാടക സ്വദേശികൾക്ക് പരിക്കേറ്റു .ഇവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പിക്കപ്പ് റോഡില്‍ നിന്ന് മാറ്റി ഗതാഗതം പുനസ്ഥാപിച്ചു .
