ട്യൂഷനെടുക്കുന്നതിനിടെ പത്താം ക്ലാസ് വിദ്യാർഥിനിയ്ക്ക് മദ്യം നൽകി പീഡനം…..
പത്താം ക്ലാസ് വിദ്യാര്‍ഥിനിയെ ബലമായി മദ്യം കുടിപ്പിച്ച് പീഡിപ്പിക്കാൻ ശ്രമിച്ച അധ്യാപകൻ അറസ്റ്റിൽ. ട്യൂഷൻ എടുക്കുന്നതിനിടെയായിരുന്നു വിദ്യാർഥിനിയ്ക്ക് മദ്യം നൽകി പീഡിപ്പിക്കാൻ ശ്രമിച്ചത്. സംഭവത്തിൽ അധ്യാപകനായ പ്രശാന്തിനെ പൊലീസ് അറസ്റ്റ് ചെയ്തു.
ട്യൂഷൻ എടുക്കുന്നതിനിടെ വിദ്യാർഥിനിയുടെ സമീപത്ത് ഇരിക്കാൻ ശ്രമിക്കുകയും മദ്യം കുടിക്കാൻ ആവശ്യപ്പെടുകയും ചെയ്തു. കുട്ടി വിസമ്മതിച്ചതോടെ ഇയാൾ ബലമായി മദ്യം കുടിപ്പിച്ചു. അമിതമായി മദ്യപിച്ച പ്രതി കുട്ടിയെ പീഡിപ്പിക്കാൻ ശ്രമിക്കുകയും ചെയ്തു. ഇയാള്‍ പിന്നീട് വിദ്യാർഥിനിയെ വീട്ടിൽ നിന്നിറക്കിവിടുകയും ചെയ്തു. രാത്രിയോടെ കുട്ടി അബോധാവസ്ഥയിലാവുകയും ആശുപത്രിയിൽ പ്രവേശിപ്പിക്കുകയും ചെയ്തു.
ഇതിനിടെ ബോധം വന്ന കുട്ടി പൊലീസിനോട് നടന്ന കാര്യങ്ങൾ വെളിപ്പെടുത്തി. തുടർന്ന് ട്യൂഷൻ അധ്യാപകനായ പ്രശാന്തിനെ പൊലീസ് അറസ്റ്റ് ചെയ്യുകയായിരുന്നു. ഇയാൾക്കെതിരെ പോക്സോ കേസെടക്കം രണ്ടു കേസുകളിലാണ് പ്രതി ചേർക്കപ്പെട്ടിരിക്കുന്നത്. ഗുജറാത്തിലെ വഡോദരയിലാണ് സംഭവം. വഡോദരയിലെ നിസാംപുര പ്രദേശത്താണ് ഇയാൾ ട്യൂഷൻ സെന്റർ നടത്തുന്നത്.
