ടെസ്റ്റ് ക്രിക്കറ്റിൽ അപൂർവ നേട്ടവുമായി ഇംഗ്ലണ്ട്…
ടെസ്റ്റ് ക്രിക്കറ്റിൽ ഇംഗ്ലണ്ട് ടീമിന് ചരിത്രനേട്ടം. ഇതാദ്യമായി ടെസ്റ്റ് ക്രിക്കറ്റിന്റെ ആദ്യ ഇന്നിംഗ്സിൽ 4.2 ഓവറിൽ ഒരു ടീം 50 റൺസ് പിന്നിടുന്നത്. ഇംഗ്ലണ്ടും വെസ്റ്റ് ഇൻഡീസും തമ്മിലുള്ള രണ്ടാം മത്സരത്തിലാണ് അപൂർവ്വ നേട്ടം. റെക്കോർഡ് നേട്ടത്തിലെത്തിയപ്പോൾ ഇംഗ്ലണ്ടിന് ഒരു വിക്കറ്റ് നഷ്ടമായിരുന്നു. സാക്ക് ക്രൗളിയെയാണ് ആദ്യ ഓവറിൽ തന്നെ ഇംഗ്ലണ്ടിന് നഷ്ടമായത്.
റൺസൊന്നും എടുക്കാതെയാണ് സാക്ക് ക്രൗളി പുറത്തായത്. അൻസാരി ജോസഫിനാണ് ആദ്യ വിക്കറ്റ്. പിന്നാലെ ബെൻ ഡക്കറ്റും ഒലി പോപ്പും ചേർന്നാണ് റെക്കോർഡിലേക്കെത്തിയത്. വേഗത്തിൽ 50 റൺസ് നേടിയ ടീമെന്ന സ്വന്തം പേരിലുള്ള റെക്കോർഡാണ് ഇംഗ്ലണ്ട് തകർത്തത്. 1994ൽ ദക്ഷിണാഫ്രിക്കയ്ക്കെതിരെ 4.3 ഓവറിൽ ഇംഗ്ലീഷ് ടീം 50 റൺസിലെത്തിയിരുന്നു.
