ജോയിയുടെ കുടുംബത്തിന് സർക്കാർ 10 ലക്ഷം കൈമാറി….

വെള്ളറട : ആമയിഴഞ്ചാൻ തോട്ടിൽ വീണ് മരിച്ച ശുചീകരണത്തൊഴിലാളി ജോയിയുടെ കുടുംബത്തിന് സർക്കാർ നൽകുന്ന നഷ്ടപരിഹാരത്തുകയുടെ (10 ലക്ഷം)​ ചെക്ക് മന്ത്രി വി.ശിവൻകുട്ടി അമ്മ മേരിക്ക് കൈമാറി. മാരായമുട്ടം വടകരയിലെ ജോയിയുടെ സഹോദരന്റെ വീട്ടിലെത്തിയ മന്ത്രി കുടുംബാംഗങ്ങളെ ആശ്വസിപ്പിച്ചു. സി.കെ.ഹരീന്ദ്രൻ എം.എൽ.എ,​ കളക്ടർ ജെറോമിക് ജോർജ്, ജില്ലാ പഞ്ചായത്ത് മെമ്പർ വി.എസ്.ബിനു, പെരുങ്കടവിള ഗ്രാമപഞ്ചായത്ത് പ്രസിഡന്റ് എസ്.സുരേന്ദ്രൻ, റെജികുമാർ തുടങ്ങിയവരും ഒപ്പമുണ്ടായിരുന്നു.