ജയത്തേക്കാൾ മധുരം ഈ പരാജയമെന്ന് വി. മുരളീധരന്‍….
പ്രതീക്ഷിച്ചതിലും വലിയ സ്‌നേഹമാണ് ആറ്റിങ്ങല്‍ നല്‍കിയതെന്ന് എന്‍ഡിഎ സ്ഥാനാര്‍ത്ഥി വി. മുരളീധരന്‍. ജയത്തോളം മധുരമുള്ള പരാജയമെന്നും അദ്ദേഹം പറഞ്ഞു. മണ്ഡലത്തിന്റെ ചരിത്രത്തില്‍ ഭാരതീയ ജനതാ പാര്‍ട്ടിയുടെയും എന്‍ഡിഎയുടെയും ഏറ്റവും മികച്ച മുന്നേറ്റത്തിന് ഒപ്പം നിന്ന വോട്ടര്‍മാര്‍ക്ക് നന്ദിഎന്നും ഫേസ്ബുക്കിൽ പങ്കുവെച്ച കുറിപ്പിൽ അദ്ദേഹം പറഞ്ഞു.തെരഞ്ഞെടുപ്പ് രംഗത്ത് കരുത്തായ ഭാരതീയ ജനതാപാര്‍ട്ടിയുടെ പ്രിയ പ്രവര്‍ത്തകര്‍ക്കും നിറയെ സ്‌നേഹം. ജനങ്ങള്‍ക്കുള്ള വിശ്വാസമാണ് തെരഞ്ഞെടുപ്പ് ഫലത്തില്‍ പ്രതിഫലിച്ചത്.
നരേന്ദ്രമോദി സര്‍ക്കാരിന്റെ ജനപ്രിയപദ്ധതികള്‍ ആറ്റിങ്ങലിലെ സാധാരണക്കാരെ മാറ്റി ചിന്തിപ്പിച്ചു എന്ന് വ്യക്തം.സിപിഎമ്മിന്റെ കോട്ടകള്‍ തകര്‍ക്കാന്‍ നമുക്കാവുമെന്ന് ആറ്റിങ്ങല്‍ പറഞ്ഞുതന്നു. ബിജെപി വിചാരിച്ചാല്‍ കമ്യൂണിസ്റ്റ് പാര്‍ട്ടിയുടെ അക്കൗണ്ടുകള്‍ ക്ലോസ് ചെയ്യാനാവും എന്ന് വ്യക്തം.സിപിഎം കോണ്‍ഗ്രസ് അവിശുദ്ധ കൂട്ടുകെട്ടിന് ശക്തമായ വെല്ലുവിളി ഉയര്‍ത്താന്‍ ബിജെപിക്കാവുമെന്ന് തെളിയിച്ചു. അഴിമതിയും അഹന്തയും നിറഞ്ഞ പിണറായി ഭരണത്തിനുള്ള അടികൂടിയാണ് ആറ്റിങ്ങലിലെ പ്രബുദ്ധരായ മനുഷ്യര്‍ നല്‍കി.സാധാരണ പൊതുപ്രവര്‍ത്തകനെന്ന നിലയില്‍ തുടര്‍ന്നും ആറ്റിങ്ങലിനൊപ്പമുണ്ടാവുമെന്നും അദ്ദേഹം പറഞ്ഞു
