ജനവാസ മേഖലയിൽ ആന..കാട്ടിലേക്ക് കയറ്റാന്‍ ശ്രമിക്കുന്നതിനിടെ വനം വകുപ്പ് ഉദ്യോഗസ്ഥന് കാട്ടനയുടെ കുത്തേറ്റു…
പാലക്കാട് മണ്ണാർക്കാട് തിരുവിഴാംകുന്നിൽ കാട്ടനയുടെ ആക്രമണത്തിൽ വനം വകുപ്പ് ഉദ്യോഗസ്ഥന് പരുക്കേറ്റു.തിരുവിഴാംകുന്ന ഫോറസ്റ്റ് ഗ്രേഡ് ഡെപ്യൂട്ടി റേഞ്ച് ഓഫീസർ എം ജഗതീഷിനാണ് പരിക്കേറ്റത്. ജഗതീഷിനെ മണ്ണാർക്കാട് സ്വകാര്യ ആശുപത്രിയിൽ പ്രവേശിപ്പിച്ചു.ഇന്ന് വൈകീട്ടായിരുന്നു സംഭവം. ജനവാസ മേഖലയില്‍ ഇറങ്ങിയ കാട്ടാനയെ കാട്ടിലേക്ക് തുരത്താന്‍ ശ്രമിക്കുന്നതിനിടെയാണ് ആക്രമണമുണ്ടായത്.കാട്ടാനയെ ഓടിക്കുന്നതിനിടെ ആന തുമ്പികൈകൊണ്ട് ജഗതീഷിനെ തട്ടുകയായിരുന്നു.ആക്രമണത്തിൽ ജഗതീഷിന്റെ നട്ടെല്ലിന് പൊട്ടലേറ്റിട്ടുണ്ട്.
