ചെന്നൈ മെയിലിൽ പരിശോധന… ഉപേക്ഷിച്ച നിലയിൽ കഞ്ചാവ്….

കാസർകോട്: മംഗലാപുരത്തേക്ക് പോകുന്ന ചെന്നൈ മെയിലിൽ നിന്നും കഞ്ചാവ് കണ്ടെടുത്ത് റെയിൽവേ പോലീസ്. ലോക്‌സഭാ തിരഞ്ഞെടുപ്പിനോടനുബന്ധിച്ച് നടത്തിയ പരിശോധനയിലാണ് ട്രെയിനിൽ നിന്നും ഉടമസ്ഥനില്ലാത്ത മൂന്നേകാൽ കിലോ കഞ്ചാവ് പിടികൂടിയത്. കാസർകോട് ട്രെയിൻ എത്തിയപ്പോഴായിരുന്നു പരിശോധന നടത്തിയത്. എക്‌സൈസും റെയിൽവേ പ്രൊട്ടക്ഷൻ ഫോഴ്‌സും റെയിൽവേ പോലീസും സംയുക്തമായി നടത്തിയ പരിശോധനയിൽ ഉപേക്ഷിച്ച നിലയിൽ കഞ്ചാവ് കണ്ടെത്തുകയായിരുന്നു.ലോക്‌സഭാ തിരഞ്ഞെടുപ്പുമായി ബന്ധപ്പെട്ട് കണക്കിൽപ്പെടാത്ത പണം പ്രചാരണത്തിനെത്തുണ്ടെന്ന വിവരത്തെ അടിസ്ഥാനമാക്കിയാണ് ട്രെയിനുകളിൽ പരിശോധന നടത്തിയത്. സംഭവത്തിൽ അന്വേഷണം നടക്കുന്നുണ്ടെന്നും നിലവിൽ കഞ്ചാവ് കൊണ്ടുവന്നയാളെ സംബന്ധിച്ച് വിവരം ഇല്ലാത്തതിനാൽ ആരെയും പ്രതി ചേർത്തിട്ടില്ലെന്നും ഉദ്യോഗസ്ഥർ അറിയിച്ചു.