ചെട്ടികുളങ്ങര ദേശക്കാർ കൊടുങ്ങല്ലൂർ കുരുംബ ക്ഷേത്രത്തിൽ

മാവേലിക്കര- കൊടുങ്ങല്ലുർ ശ്രീകുരുംബകാവ് ദേവീക്ഷേത്രത്തിൽ ചെട്ടികുളങ്ങര ദേവിക്ഷേത്ര ദേശക്കാർ പരമ്പരാഗതമായി നടത്തിവരാറുള്ള അചാര അനുഷ്ടാനങ്ങൾ നടത്തി.ലരാവിലെ കൊടുങ്ങല്ലൂർ ക്ഷേത്രത്തിൽ എത്തിചേർന്ന 13 കരകളുടെ സംഘടനയായ ശ്രീദേവി വിലാസം ഹിന്ദുമത കൺവൻഷൻ ട്രസ്റ്റ് ഭാരവാഹികൾ, കരനാഥൻമാർ, ദേവസ്വം ഭാരവാഹികൾ, ക്ഷേത്ര പൂജാരിമാർ, ക്ഷേത്ര കാരായ്മ അവകാശികൾ എന്നിവർ ചേർന്ന് കിഴി പണവും, പട്ടുടയാടായും കൊടുങ്ങല്ലുമ്മക്ക് സമർപ്പിച്ചു. അതിന് ശേഷം ക്ഷേത്ര അവകാശികളായ കൊടുങ്ങല്ലൂർ കോവിലകത്തെ രാജപ്രതിനിധി സുരേന്ദ്ര വർമ്മരാജക്ക് ചെട്ടികുളങ്ങര ശ്രീദേവി വിലാസം ഹിന്ദുമത കൺവൻഷൻ ട്രസ്റ്റ് പ്രസിഡന്റ് ബി.ഹരികൃഷ്ണൻ കാഴ്ചക്കുലയും, ദക്ഷിണയും സെക്രട്ടറി എം.മനോജ് കുമാർ വസ്ത്രവും നൽകി.

കരക്കാർ അമ്മയുടെ അപദാനങ്ങൾ വാഴ്ത്തിയുള്ള കുത്തിയോട്ട പാട്ടുകൾ പാടി. കൊടുങ്ങല്ലൂരമ്മ ചെട്ടികുളങ്ങര അമ്മയുടെ മാതാവായാണ് സങ്കൽപ്പിക്കുന്നത്. സ്വീകരണത്തിനും ചടങ്ങുകൾക്കും കൺവൻഷൻ ജോ.സെക്രട്ടറി ജി.സതീഷ്, കൺവൻഷൻ ട്രഷറർ പി.രാജേഷ്, ക്ഷേത്ര അഡ്മിനിസ്ട്രേറ്റീവ് ഓഫീസർ അഖിൽ ജി.കൃഷ്ണൻ, ക്ഷേത്ര സംബന്ധി ജെ.മധുകുമാർ, എക്സിക്യൂട്ടീവ് അംഗങ്ങൾ, തിരുവിതാംകൂർ ദേവസ്വം ഭാരവാഹികൾ, കരനാഥൻമാരും നേതൃത്വം നൽകി. മറ്റ് ക്ഷേത്രങ്ങളിലെ ദർശനത്തിന് ശേഷം അമ്മയുടെ ദാരു വിഗ്രഹത്തിന് തടി നൽകിയ ആറൻമുള തോട്ടത്തിൽ മണ്ണിൽ വീട്ടിൽ എത്തിയ സംഘം ആറൻമുള ക്ഷേത്രത്തിലെ ദീപാരാധന ദർശനത്തിന് ശേഷം രാത്രിയോടെ ചെട്ടികുളങ്ങരയിൽ തിരിച്ചെത്തി.