ഗൂഢാലോചന അന്വേഷിക്കണം..പൊലീസിൽ പരാതി നൽകി ഇ പി ജയരാജൻ….
ബിജെപി നേതാവ് പ്രകാശ് ജാവദേക്കറുമായുള്ള കൂടിക്കാഴ്ചയെ തുടര്‍ന്നുണ്ടായ വിവാദത്തില്‍ ഡിജിപിക്ക് പരാതി നൽകി ഇ.പി.ജയരാജൻ. വിഷയത്തില്‍ നടന്ന ഗൂഢാലോചന അന്വേഷിക്കണമെന്ന് ആവശ്യപ്പെട്ടാണ് ഇ പി ജയരാജൻ പരാതി നൽകിയത് .ബിജെപി നേതാവ് ശോഭാ സുരേന്ദ്രനും ടി.ജി.നന്ദകുമാറിനും എതിരെയാണ് പരാതി നൽകിയത് .
വിഷയവുമായി ബന്ധപ്പെട്ട് ശോഭാ സുരേന്ദ്രന്‍, ടി ജി നന്ദകുമാര്‍, കെ സുധാകരന്‍ എന്നിവര്‍ക്കെതിരെ നേരത്തെ എല്‍ഡിഎഫ് കണ്‍വീനര്‍ വക്കീല്‍ നോട്ടീസ് അയച്ചിരുന്നു. ആരോപണങ്ങള്‍ പിന്‍വലിച്ച് മാപ്പ് പറയണമെന്നായിരുന്നു നോട്ടീസിലെ ആവശ്യം.ഇതിന് പിന്നാലെയാണ് ഇപ്പോൾ സംഭവത്തിൽ അന്വേഷണം വേണമെന്ന് ആവശ്യപ്പെട്ട് ഡിജിപിക്ക് പരാതി നൽകിയത് .
