ക​ർ​ക്കി​ട​ക കടൽ പ്രതിഭാസം.. ഒ​റ്റ​മ​ശ്ശേ​രിൽ വീടുകൾ അ​പ​ക​ട ഭീ​ഷ​ണി​യി​ൽ…

തു​റ​വൂ​ർ: ഒ​റ്റ​മ​ശ്ശേ​രി പ്ര​ദേ​ശ​ത്ത് ക​ട​ലാ​ക്ര​മ​ണം മൂ​ലം ര​ണ്ടാം നി​ര വീ​ടു​ക​ൾ വ​രെ അ​പ​ക​ട ഭീ​ഷ​ണി​യി​ൽ. ക​ർ​ക്കി​ട​ക ക​ട​ൽ എ​ന്ന പ്ര​തി​ഭാ​സ​ത്തി​ൽ വീ​ടു​ക​ൾ ത​ക​രു​മെ​ന്ന ഭീ​തി​യി​ലാ​ണ് പ്രദേശവാസികൾ.

ഇ​പ്പോ​ഴ​ത്തെ സ​ർ​ക്കാ​ർ നി​ല​വി​ൽ വ​രു​ന്ന സ​മ​യ​ത്താ​ണ് ചേ​ർ​ത്ത​ല താ​ലൂ​ക്ക് ക​ട​ക്ക​ര​പ്പ​ള്ളി പ​ഞ്ചാ​യ​ത്തി​ലെ ഒ​റ്റ​മ​ശ്ശേ​രി​യി​ൽ ക​ട​ലാ​ക്ര​മ​ണ​ത്തി​ൽ വീ​ടു​ക​ൾ ത​ക​ർ​ന്ന​ത്. എം.​എ​ൽ.​എ കൂ​ടി​യാ​യ മ​ന്ത്രി പി. ​പ്ര​സാ​ദ് നേ​രി​ട്ടു ക​ണ്ട സ്ഥ​ലം വേ​ഗ​ത്തി​ൽ ഇ​ട​പെ​ട്ട് ഒ​റ്റ​മ​ശ്ശേ​രി മു​ത​ൽ അ​ന്ധ​കാ​ര​ന​ഴി​വ​രെ​യു​ള്ള തീ​ര​പ്ര​ദേ​ശം സം​ര​ക്ഷി​ക്കു​ന്ന​തി​നാ​വ​ശ്യ​മാ​യ പ​ദ്ധ​തി​ക​ളും ഫ​ണ്ടും അ​നു​വ​ദി​പ്പിച്ചിരുന്നു. എന്നാൽ അ​തു​വ​ഴി​യു​ള്ള തീ​ര സം​ര​ക്ഷ​ണം ഇ​പ്പോ​ഴും പൂർത്തിയായി​ട്ടി​ല്ല. അ​വി​ടെ നി​ർ​മി​ച്ച ടെ​ട്രാ​പോ​ഡു​ക​ള്‍ എ​ത്ര​യും വേ​ഗം ക​ട​ലാ​ക്ര​മ​ണ പ്ര​ദേ​ശ​ത്ത് നി​ര​ത്താ​ൻ ഉ​ദ്യോ​ഗ​സ്ഥ​രെ​യും കോ​ൺ​ട്രാ​ക്ട​റെ​യും ചു​മ​ത​ല​പ്പെ​ടു​ത്തി​യി​ട്ടു​ണ്ട്. എ​ന്നാ​ൽ അതും ഇ​ന്നിതു​വ​രെ ന​ട​ന്നി​ട്ടി​ല്ല. അ​ടി​യ​ന്ത​ര ന​ട​പ​ടി ആ​വ​ശ്യ​പ്പെ​ട്ട് മ​ത്സ്യ തൊ​ഴി​ലാ​ളി ഫെ​ഡ​റേ​ഷ​ൻ എ.​ഐ.​ടി.​യു.​സി ദേ​ശീ​യ കൗ​ൺ​സി​ൽ അം​ഗം ജോ​യ് സി. ​ക​മ്പ​ക്കാ​ര​ൻ മ​ന്ത്രി റോ​ഷി അ​ഗ​സ്റ്റി​ന് നി​വേ​ദ​നം ന​ൽ​കി.