കൊലക്കേസ് പ്രതിയെ കൊലപ്പെടുത്താൻ ശ്രമം

തിരുവനന്തപുരം: കരിമഠം കോളനിയിൽ അഷറഫിനെ കൊലപ്പെടുത്തിയ കേസിലെ പ്രായപൂർത്തിയാകാത്ത പ്രതിയെ ബൈക്കിൽ എത്തിയ ആറംഗ സംഘം ആക്രമിച്ചു. അഷ്റഫിനെ കൊലപ്പെടുത്തിയ കേസിൽ ജാമ്യത്തിൽ ഇറങ്ങിയ പ്രതി ശ്രീകാര്യത്ത് ബന്ധു വീട്ടിൽ നിൽക്കുകയായിരുന്നു. ബൈക്കിൽ യാത്ര ചെയ്ത പ്രതിയെ കരിമഠം സ്വദേശികളായ യദുകൃഷ്ണൻ, ഷിബിൻ, വിവേക്, സുൽഫി പ്രായപൂർത്തിയാകാത്ത രണ്ടു പ്രതികൾ എന്നിവർ ചേർന്ന് അടിച്ചു വീഴ്ത്തുകയായിരുന്നു. തുടർന്ന് ശ്രീകാര്യം പോലീസ് പ്രതികളെ പിടികൂടി കോടതിയിൽ ഹാജരാക്കി റിമാൻഡ് ചെയ്തു.