കൊച്ചുവേളിയിൽ നിന്ന്‌ മംഗളൂരുവിലേക്ക്‌ നാളെ സ്പെഷ്യൽ വന്ദേഭാരത്..റിസർവേഷൻ ആരംഭിച്ചു…
കൊച്ചുവേളിയിൽ നിന്ന്‌ മംഗളൂരുവിലേക്ക്‌ (06001) നാളെ (ജൂലൈ 1)വന്ദേഭാരത് പ്രത്യേക സർവീസ്‌ നടത്തും. രാവിലെ 10.45ന്‌ കൊച്ചുവേളിയിൽനിന്ന്‌ പുറപ്പെടുന്ന ട്രെയിൻ രാത്രി പത്തിന്‌ മംഗളൂരു സെൻട്രലിൽ എത്തും.യാത്രക്കാരുടെ തിരക്ക്‌ കണക്കിലെടുത്താണ്‌ സർവീസെന്ന്‌ റെയിൽവേ അറിയിച്ചു. എട്ട്‌ കോച്ചുകളാണുള്ളത്‌. കൊല്ലം, കോട്ടയം, എറണാകുളം ടൗൺ, തൃശൂർ, ഷൊർണൂർ, തിരൂർ, കോഴിക്കോട്‌, കണ്ണൂർ, കാസർകോട്‌ എന്നിവിടങ്ങളിലാണ്‌ സ്‌റ്റോപ്പ്‌. റിസർവേഷൻ ആരംഭിച്ചതായും റെയിൽവേ അറിയിച്ചു.
